تحدّثت منى نور الدين عن تفاصيل دورها في مسلسل الفتنة وعن تعاملها مع المخرجة سوسن الجمني لأول مرة، وذلك خلال حضورها ضيفة ليلة الأربعاء في برنامج فكرة سامي الفهري.
وقالت ردا على سؤال الهادي زعيم :”من الأول ما كلمتنيش سوسن وجميل النجار هو الي أشار على سوسن باش نخدم معاها.. وكلّمو ولدي الي هو متكلف بنشاطي.. قعدت نخمم على الدور وتقابلت أنا وياها.. لقيتها بنية صغيرة ومحلاها ومنطقها حلو.. موش كيما سمعت عليها عياطة وسيّاحة.. حكاتلي شويا على الدور شرطت عليها نشوف السيناريو الكل.. قريت وعجبني النص وموضوع باهي فيه برشا ميساجات.. ما نحبش نبيع أسرار المسلسل خلي المتفرج يكتشف”.
وتابعت :”من الأول خفت من سوسن خاطر يقولو عيّاطة ونرفوزية وصعيبة.. وأنا الصفات هذوما موجودين عندي.. بقيت نحضّر في روحي.. ياخي لقيتها ما شاء الله والأمور مشات كي الزيت فوق الماء.. الصغير ينجمو يغفرولو كي يغلط.. أنا في العمر هذا وبعد الكاريار هذا ما عنديش الحق نغلط” .
